Nupui zah thiam Zlatan Ibrahimovic

Paris Saint Germain forward Zlatan Ibrahimovic-a'n French club-ah a contract a hman zawh tawh dawn avangin season tharah a duhna lam lam a hawi thei a, Sweden international hi Manchester United nen sawizawm a hlawh nghal hle.

Mahse, striker rorum leh chanchin ngah tak hmalam hun hriltu erawh amah niloin a nupui a ni! Zlatan-a nupui Helena Seger chuan a pasal hi USA lama inkhel turin a duh nia sawi a ni a, a nupui duhna lam apiangah kum 34-a upa striker hian kal a tum.

Zlatan-a nupui Helena Seger hi sumdawng hausa niin June 7 khian a sportswear brand chu USA-ah a tlangzarh dawn a, a sumdawnna hmasawn zelna tur ngaihtuahin Helena hian USA-ah insawn a duh.

Khawthlang media-te chuan Zlatan hian US aṭangin kar khata £400,000 hlawh tura sawmtu a nei leh der tawh niin an tarlang a, PSG-a a hlawh zat hlawh tura sawmtu club hi Steven Gerrard khelhna LA Galaxy nia sawi a awm bawk - Zlatan-a nupui hian USA-ah ro ro pawh Los Angeles khawpui emaw New York City-a awm a duh nia sawi a awm lehzel bawk avangin season tharah Swedish striker hi Steven Gerrard nen an khel dun a nih pawn a mak lo ang.