ATC Smart City Invitation Cup

27th May, 2024

Aizawl Tennis Club buatsaih Aizawl Tennis Club Smart City Invitation Cup 2024 chu May 24-25, 2024 khan Aizawl Tennis court-ah neih a ni a, team inelnaah Aizawl Tennis Club hminga chhuak Lockdown Khelazz te an champion.

Inelna hi Assam Barak Valley-a tennis tui mi te nen inṭhianṭhat nana huaihawt a ni. Barak Valley aṭangin Silchar Tennis Club, Hailakandi Tennis Club leh Karimganj Tennis Club te an tel a, Tripura Tennis Association aṭangin player pathum an rawn tel bawk. Event pahnih team championship leh open doubles-ah te inelna neih a ni.

Open doubles-ah C. Denghmingliana leh Alex C. Lalrawngbawla te ṭangdun chuan Lalthanmawia leh Rex Zarzoliana te ṭangdun hnehin an champion. Inelna hi Aizawl Smart City leh Lushai Hills Foundation ten an sponsor a, a kharna inkhawmnah C. Lalchhuangkima, CEO, Aizawl Smart City chu khuallian a ni.