Australia-ah Magpies an mualpho

Newcastle United chuan season tawp rualin Australia lamah friendly match an khel nghal a, mahse, Premier League club hi A-League All Stars chuan Melbourne khawpuiah 8-0 in an lo sawp.

A League player ṭha thlankhawm tan hian Apostolos Stamatelopoulos chuan goal hnih a khung a, Ben Old, Nicolas Milanovic, Adam Taggart, Jake Hollman, Jordan Courtney-Perkins leh Bozhidar Kraev ten goal khat ṭheuh an khung bawk.

Hetihruala hriat tel tur chu Magpies hian an match tawp berna an khelhna a la rei loh avangin player naupang rual an khelhtir a, player tawnhriat nei ṭha Kieran Trippier, Lewis Hall leh Elliot Anderson te hruai tel mah se, bench lamah hun an hmang tluan a ni.

Magpies boss Eddie Howe chuan, "Kan naute tan a harsa a, naupang leh tawnhriat nei ṭha player-te danglamna kan hmu a ni. First team player-ten hun awl an nei tlem a, inhliam chance a san em avangin inkhelhtir chi a ni lo a ni," a ti a, player naupang rual a khelhtir chhan a sawi.