Mizoram karate team che ṭha

WTSKF National Karate Championship 2024 neih zawh takah Mizoram karate team chuan gold medal pali, silver medal pakhat leh bronze medal pahnih an hlawh chhuak.

Inelna hi May 25-26 chhung khan Nashik, Maharastra-ah neih a ni a, All Mizoram Karate Association leh Mizoram State Sports Council tirh Mizoram karate team-te hi player pariat niin team official pakhat sensei Lalramthara a kal bawk.

AMKA president R. Zomawia chuan, "Kan nauten hlawhtlinna ropui tak an chang hi a lawmawm ka ti a, international level thlenga medal la thei turin AMKA players-te an inbuatsaih mek a ni," tiin a sawi.

Federation championship khel in AMKA hian state level championship a medalist aṭangin selection trail thei turte training ngawrh takin a neihpui mek a. Heng medalist-te aṭang hian Final selection neih leh tur a ni ang a, thlan chhuahte chuan Mizoram ai an awh ang.