Man City-in champion parade an nei

Manchester City chuan tun season khar nan Pathianni khan Premier League vawi li champion lawmna an nei a, bus chungah chuangin Manchester khawpui an fang. City hian hian National Football Museum aṭangin an tlan ṭan a, Exchange Square leh Deansgate te tlan tlangin Hilton Hotel kawtah a tawp an khar.

Manchester-ah ruah a sur chungin City ṭantu sang chuang an pungkhawm. Player leh coaching staff chuanna bus bangah chuan, "Champions, 4 in a row," tih an inziak. Sir Alex Ferguson-a Manchester United ropui ber lai pawh khan a zawna league nomawi vawi li chawi an nei lo a, tun season-ah City-in Premier League nomawi chauh chawi mah se an record hi a ropui hle.

City hian tun season Eithad Player of the Season atan Phil Foden an thlang a, English midfielder hian season ṭha bik a hmang. Kum 23 mi Foden hian Premier League-ah goal 19 khungin assist vawi riat a nei a, City tana a che ṭhat ber ṭum a ni. UCL-ah pawh goal nga khungin assist vawi thum a nei bawk a, Foden hian chawimawina hi a phu hle a ni.

Season tharah chuan Premier League manager zingah Pep Guardiola hi club ngai enkawl rei ber a ni tawh dawn. Champion parade-ah hian a kawmtu chuan, "Khawngaihin kan zingah hian i cham reng thei ang em?" tiin a zawt a, Spanish manager hi za lo dehin a nui. Pep Guardiola hian season khat chauh contract a nei tawh a, champion theih zawng zawng a champion tawh avangin a cham zel hi a rinawm tawh lo zawk.