Ipswich-ah McKenna a cham a rinawm

Premier League-a Ipswich Town kaipuitu manager Kieran McKenna chu club danga chhuak tura sawi awm mah se Tractor Boys-ah contract thar a ziah a rinawm ta zawk.

Kum 38 mi McKenna hi Chelsea-in Mauricio Pochettino thlakna tura coach an thlanchhuah zingah an tel a, mahse thlan zingah a tel ta lo. Brighton & Hove Albion-a Roberto De Zerbi hmunruak luah tur pawhin McKenna hi sawi a awm bawk.

Mahse, League Managers Association-in manager of the year-a an thlan McKenna hian a hming ṭhatna club Ipswich-ah a cham a rinawm ta ber.

Manchester United-a assistant manager hna thawk tawh McKenna hian December 2021 khan Ipswich hi a zawm a, hetihlai hian League One-a table laihawlah an awm. McKenna hian Tractor Boys hi 11-na nihpuiin season bul a ṭanpuina hmasak berah Championship khel turin a kaipui a, season liam ta khan Championship-ah 96 points hmuin Premier League khel turin an kaipui lehnghal.