West Ham-in Bruno an la lut

West Ham United-in manager thar Julen Lopetegui hnuaia an player lakluh hmasa ber atan Brazilian centre back Fabrício Bruno chu Flamengo aṭangin an la lut dawn.

Kum 28 mi Bruno manah hian Hammers-in euro maktaduai 12 an theh chhuak a, a chet ṭhat dan a zirin Brazilian club hi euro maktaduai 1.5 an pek belh bawk ang.

Bruno hi feet ruk leh inches lia sang a ni a, Cruzeiro aṭanga inzir chhuak a ni. Season liam ta khan inelna hrang hrangah Flamengo tan match 60 tehmeuh a khel a, season a hman ṭhat avangin Brazil tana khel turin March thla khan koh a ni a, England an hmachhawn ṭumin a inlan. Chutihrualin kumina khelh tur Copa America-ah erawh Bruno hi koh a ni lo.