Bundesliga khel tur VfL Bochum

German top flight league-ah VfL Bochum an cham chhunzawm zel dawn - Thawhṭanni zan khan relegation playoff-ah Fortuna Düsseldorf chu 3-0 in an hneh a, first leg result nen 3-3 ni mah se, penalty-ah 6-5 in an chak zui.

Bundesliga relegation playoff-ah hian Bundesliga table-a 16-na leh 2.Bundesliga-a pathumnate an inhmachhawn ṭhin a, Bochum hi league-ah 18-na an nih avangin relegation playoff an khelh a ngaih phah.

Bochum hi first leg-ah 3-0 in mualpho mah se, second leg-ah 3-0 in an chak ve leh a, first leg-a own goal khungtu Philipp Hofmann chuan a mualphona hliahkhuh nan goal hnih khungin, Kevin Stöger (penalty) chuan goal khat a thawh ve bawk - mahni muala 3-0 a tlawm tawh Bochum hi penalty-ah 6-5 in an chak zui a, Bundesliga an khel zel dawn.