PVL khel tur Khawbel

Mizoram Volleyball Association (MVA) hnuaia inelna lian - Pro Volleyball League season tharah Khawbel kan hmu dawn, nimin PVL playoff hmawr bawknaah Khawbel hian Sihphir hnehin Pro-Division Club ni tur hian an tling a ni.

Tuikual Indoor Stadium-a team pahnih an inkhel tawk hle, hun pawimawh laia che fuh zawk Khawbel hian 25-22, 22-25, 26-24, 23-25, 15-12 (3-2) in hnehna an chang a, team ṭha zual bik inelna an hmachhawn thei ang.

Tualchhung volleyball inelna lian berah hian tun season-ah Hunthar, Thutak Nunpuitu Team, Tuichangral, Durtlang North, Chhinga Veng Spikers leh Hlimen te an inlan.

PVL khel team paruk zinga panga hi season tharah an inlan zui dawn a, league round an khelh china hniam ber Hlimen erawh kan hmu zui thei dawn lo, an aiah playoff aṭanga tling Khawbel kan hmu dawn ta a ni.

PVL playoff hi Mizoram Volleyball Association (MVA) hnuaia district hrang hranga team ṭha ten an hmachawn thei a, team ṭha inel zinga a chungnung berin hmunruak pakhat hi an hnawhkhat a ni.