Everton-in Kalvin Phillips an duh

Everton-in season khat chhung loan hmanga lak atan midfielder Kalvin Phillips an duh. Phillips hian kum 2022 khan pound maktaduai 45-in Leeds United aṭangin Manchester City a zawm a, kumin thlasik bazarah loan hmangin West Ham United zawm mah se beisei a pha chuang lo.

Kum 28 mi Phillips hian season a hman ṭhat loh avangin Euro 2024 khel turin Gareth Southgate-a'n a ko lo. Everton hian Phillips bakah Leeds aṭangin Jack Harrison chu loan hmanga lak nawn an duh.

Toffees hian tun season hman zawh takah Harrison hi loan hmangin an la tawh a, match 35 khelin goal li a khung a ni. Everton director of football Kevin Thelwell chuan tun thla tir khan club sum dinhmun tih ṭhat nan player hralh an tum thu a sawi tawh a, loan hmangin club sum dinhmun hi siamṭhat an tum a ni.