Rooney-a'n Everton emaw United enkawl duh

Manchester United legend Wayne Rooney chuan a inzirchhuahna Everton emaw hlawhtling taka a khelhna Manchester United emaw enkawl chu a hmachhawp a nih thu a sawi.

Kum 38 mi Rooney hian Derby County, DC United leh Birmingham City te a enkawl tawh a, kar liam ta May 25, Inrinni khan Championship club Plymouth Argyle enkawl turin kum thum daih contract a ziak.

Rooney chuan, "Ka duh chu ka chiang. Ka duhthusam leh ka tum ber chu engtik niah emaw Everton emaw Manchester United emaw enkawl a ni," tiin a sawi.

Season liam ta khan Plymouth Argyle hian match 46 aṭangin point 51 an hmu a, table-ah 21-naah an awmin Championship khel zel turin an him chiah chiah.