Bolt a rawn lang leh ta

Olympic champion vawi ruk lo ni tawh Usain Bolt chuan kumina a vawi khat nan Europe-ah a rawn inlan ta a, Zirtawp ni khan Golden Spike meeting-ah intlansiakin 100m chu second 9.98 chhunga thlengin pakhat-na dinhmun a luah.

Czech Republic-a in-tlansiakah Jamaican sprinter Bolt hian Ramon Gittens chu second 0.23 in a hneh a, Hassan Taftian chu pathumna a ni thung.

100m world record (9.58) lo siam tawhtu Bolt chuan, "Ka tan kum pawimawh tak a ni a, ka taksa hrilselna vawn bakah hmasawn zel tura thawhrim ka ngaih zia ka hre nawn leh," tiin a sawi.

Kum 29-a upa Bolt hian Olympic-ah 100m, 200m leh 4x100m inelnaah te gold medal a kawl khawm vek mek a, Rio Olympic-ah humhim tumin a inlan leh ang.