Cavaliers lakah Toronto an tho chhuak

NBA Eastern Con-ference Finals khelh meka match hmasa pahnihah Cleveland Cavaliers-in hnehsawh takin hnehna an chang a. Pathianni zinga Game 3-ah erawh Toronto Raptors hian 99-84 a hnehna changin series-ah Cavaliers hian 2-1 in hma an hruai a, Thawhlehni zing dar 6:00-ah Game 4 an khel leh ang.

Air Canada Centre, Toronto-ah mipui 20,207 an pungkhawm a, Raptors tan DeMar DeRozan chuan point 32 score-in big man Bismack Biyombo-a'n rebound
ṭum 26 la bawkin NBA playoff-ah Cavaliers-in a zawna match 10 chhung zet hnehna an chang tawh chu an ti tawp sak ta a ni.

Cleveland tan LeBron James chuan point 24 score-in J.R. Smith-a'n point 22 a nei bawk mah se quarter li an khelh aṭanga quarter thumah a hniam zawk an nih vek avangin a chak lo zawkah an ṭan a ngai.