Thomas Cup champion Denmark

May 15 aṭanga khelh ṭan badmintion team hmanga ram leh ram inelna Thomas Cup chu nimin chawhnu lam khan khelh zawh a ni a, final-ah Denmark chuan Indonesia 3-2 a hnehin Europe ram zinga champion thei hmasa ber an ni.

Kunshan Sports Center, China-a inkhelah Denmark tan single-ah Viktor Axelsen leh Jan O Jorgensen te hnehna changin Indonesia lamain double-ah Mohd Ahsan leh Hendra Setiawan te ṭang dun bakah Angga Pratama leh Ricky Ka-randa Suwardi te ṭang dun chuan hnehna an chang ve thung. Inkhel pawimawhah Denmark tan Hans-Kristian Vittinghus chuan Ihsan Maulana Mustofa lakah 21-15, 21-7 a hnehna chang-in an ram a champion pui.

Kum 1949 aṭanga neih
ṭan Thomas Cup-ah hian ram panga chiah an la champion a, Indonesia chu vawi 13 champion tawhin re-cord nei ṭha ber an ni a, an hnungah China (9), Malaysia (5) bakah Japan leh Denmark vawi khat ve ve te an ni.