Watford coach thar Walter Mazzarri

Premier League club Watford chuan season thara an manager ni turin Inter Milan boss hlui Walter Mazzarri an lakluh thu an puang a, Italian manager hian July 1-a Quique Sanchez Flores chhuah rualin Watford hi a zawm ang.

Kum 54-a upa manager hian Vicarage Road-ah kum thum chhung hun hmang turin contract a ziak a, kum li chhunga Watford manager pariatna a ni tawh!

Watford chief executive Scott Duxbury chuan, "Walter hi club tam takin an manager ni turin an sawm a, chutiang kara keinin kan lo chang thei a vanneihthlak takzet a ni," tiin an coach thar chungchang a sawi.

Walter Mazzarri hian kum 2012 khan Napoli coach a nih laiin Italian Cup nomawi a chawipui bakah a season hnihnaah Serie A-ah pahnihna a nihpui. Kum 2013-a Inter Milan a zawm hnuah beisei a phak lo a, a season hmasa bera pangana a nihpui hnuah a season hnihnaah table-a 9-na dinhmun an hauh laiin ban a ni.

Watford hian Premier League-ah 13-na nichunga season an khar bakah FA Cup semifinal an lut a, Championship aṭanga Premier League khel hlim tan record chhia ni lo mah se Spanish manager Flores chu a hna aṭangin an ban ta tho a ni.