Play off-ah Gujarat leh Hyderabad an lut

23rd May, 2016

Indian Premier League-ah an inkhelh kual vek hnuah playoff hmangin champion tur zawn a ni dawn a, playoff hmunruak pali awm chu Sunrisers Hy-derabad leh Gujarat Lions-ten an hnawhkhat tawh.

Nizan khan inkhel pahnih awmin group stage match hnuhnung ber tur an ni tawh a, he chanchin i chhiar meuh chuan hmun ruak pahnih luah khattu hi a chiang tawh ang.

Sunrisers Hyderabad hian Zirtawpni zan khan Delhi Daredevils chu wicket rukin an hneh lo a, Delhi tan Karun Nair chuan run 80 siama a tawp thleng damin Delhi chhandamtu a ni.

Inrinni tlai inkhelah Pune Supergiants chuan Kings XI Punjab chuan wicket liin hnehna an chang a, run 64 siama a tawp thleng dam Pune captain MS Dhoni a langsar hle.

Inrinni inkhel hnu-hnung zawkah Gujarat Lions chuan pahnihna aia hniamah an awm thei tawh lo tih nemnghetin Mumbai chu wicket rukin an hneh bawk a, Mumbai tana run 70 siamtu Nitish Rana-a'n Lions lakah a team a chakpui zo lo.