Celtic manager thar Rodgers

Scottish club lian Celtic chuan season thar aṭanga an manager ni turin Liverpool boss hlui Brendan Rodgers an la lut a, Irish manager hian Celtic Park-ah kum khat chhung hun hmang turin contract a ziak.

Season hnih chhung Scottish Premier League-a celtic champion puitu Ronny Deila thlak tur Rodgers chuan, "He club ṭantute hlim leh lawm taka an awm theihna turte, football hmuhnawm tak kan lantir theihna turin ka theihna leh thiamna zawng zawng he club tan hian ka hlan ang," tiin theihtawp a chhuah tur thu a sawi.

Kum 43-a upa ma-na-ger chuan sawi chhun-zawmin, "Celtic hi club ropui tak, tun hnai lawkah pawh nomawi chawi an ni a, he record duhawm tak hi chhunzawm mai bakah Europe-a club langsar kan nih leh theih nan theihtawp ka chhuah dawn a ni," a ti.

Celtic neitu zinga share ngah ber Dermot Desmond chuan Swansea City, Reading leh Watford-te pawh lo enkawl tawhtu coach hi coach ṭha leh ropui tak a nih thu a lo sawi tawh a, tuna an inruai ta hi thil mak a ni hran lo.