Copa America khel tur Norde

Mohun Bagan winger tlan chak leh Indian football-a hlawh hnem ber ni mek nia an sawi Sony Norde chu Copa America khel tur Haiti squad-ah koh a ni.

Haiti squad-a player 23 zinga tel phak Norde hian Pathianni khan India chhuahsanin an ram lam a pan a, Copa America-ah hian group D-ah awmin Ecuador, Peru leh Brazil-te an hmachhawn ang.

Haiti hian Pathianni lo awm turah khian Colombia chu Copa Ame-rica inbuatsaih nan friendly match an khelhpui dawn a, AFC Cup last 16-a Tampines Rovers hmachhawn tur Bagan squad-ah Norde hi a tel dawn lo tihna a ni.

Mohun Bagan tan pawha lo khel tawh de-fen-der Judelin Aveska chu squad-ah hian koh a ni bawk a, Aveska hi Argentine club Atletico Uruguay tan a khel mek.