Pele record khumtu Messi

Pathianni zana Copa Del Rey nomawi kha Lionel Messi tan a ca-reer-a nomawi vawi 30 a chawina chiah a ni a, player ropui Pele aiin nomawi pakhatin a chawi tam zawk.

Ballon d'Or chawi-mawina vawi nga dawng tawhtu Messi hian Luis Suarez awm hnuah goal a khung tlem a, a thiam a theihngilh tihna erawh a ni lo. Argentine forward hna hi goal khung ni loin ṭhiante siam sak hna a chelh tawh a, attack bul
ṭantu niin a hmawr bawk turte petu a ni.

Kum 28 leka upa ni chungin Messi hian Barcelona chu La Liga (8), Supercopas de Espana (6), Champions League (4), Copa del Rey (4), UEFA Super Cup (3) leh FIFA Club World Cup (3) ah te a champion pui tawh a, Argentina chu FIFA World Youth Championship leh Olympic Football-ah a te champion pui tawh bawk.

Pele erawh a nomawi chawi tam zawk hi South America-a a chawi a nih avangin club lama a hlawhtlinna hi dahsan a ni lo. Amaherawhchu Pele ropuina tak erawh FIFA World Cup-ah Brazil vawi thum a champion pui a, Messi erawhin final chiah a thlenpui. Bar-celona tana ropui Messi hian Argentina tana hlawhtlinna lian tham chang turin kumin Copa America hi a pawimawh dawn a, 2018 FIFA World Cup hi ram tan a hun hnuhnung a ni tawh ang.