AFC Cup Hliam vangin Katsumi khel thei dawn lo

Zanin dar 7:00-ah Mohun Bagan chuan AFC Cup last 16 khel turin Singapore club Tampines Rovers an mikhual dawn a, Star Sports 4-in live-a a pek chhuah tur inkhelah hian Mariners tan captain Katsumi Yusa chu hliam vangin a inlan thei dawn lo.

Japanese winger hian Federa-tion Cup-a Aizawl FC an hneh
ṭumin a ngalrekah hliam a tuar a, Mariners tan tun season-a match 29 a khelh aṭanga goal nga khung tawh winger tel lo tur hi Singapore club tan chanchin lawmawm a ni a, a lawmawmna belhchhah turin right-back Pritam Kotal chu hliam vang bawkin a inlan thei lo ang.

Mariners boss Sanjoy Se-a lu ti hai zual turin Haitian winger Sony Norde chu Copa America khelh dawn vangin a thang bo a, AFC Champions League playoff-a 3-1 a an lo hneh tawh Tampine lakah Kolkata club hi an ṭhat dan berin an inlan thei dawn lo.

Indira Gandhi Athletic Stadium, Guwahati-a inkhel turah hian Mizo tlangval Jeje Lalpekhlua erawh a inlan a beiseiawm a, Hnahthial tlangval hian AFC Cup-ah goal ruk a khung tawh avangin Singapore club defender tan ven a hautak ang.