Juve-ah kum hnih dang Evra

Patrice Evra chuan Juventus tan kum 2018 thleng daih contract a ziak. France international Evra contract neih lai hi thla leh hian a tawp tawh dawn a, tunah hian contract thar la ziak chiah lo mah se Turin club nen an inrem tawh.

Kum 2014 khan Evra hian Man-chester United chhuahsanin free transfer-in Italian club ṭha Juventus hi a zawm a, Massimiliano Allegri enkawlna hnuaiah player pawimawh niin Serie A leh Coppa Italia nomawi ṭum hnih ve ve a chawi pui tawh.

Tun season ṭan dawn khan Juve hian Porto aṭangin pound maktaduai 26 zetin left back Alex Sandro chu an la lut a, kar liam ta maia kum 35 tling Evra hian hmun a chang tam lo tura ngaih a ni. Mahse, ngaih ang ngawt a ni lo - Evra hian tun season-ah a club tan inelna hrang hrangah match 35 khelin first-choice a la ni.

Kar tawpa AC Milan hneh a Coppa Italia an champion hnuah Evra chuan, "He club tan hian inkhelh zel ka la duh a, kum hnih dang ka cham chhunzawm leh ang," tiin a sawi.