Van Dijk hoa khel tur Netherlands

Euro 2024 khel tur Netherlands pawhin squad an puang ve ta a, Liverpool captain Virgil van Dijk-a captain-na hnuaiah inelna an hmachhawn dawn.

Premier League club Liverpool hian Dutch squad-ah player pathum ngawt an thawh a, VVD bakah hian midfielder Ryan Gravenberch leh striker Cody Gakpo chu squad-ah koh tel an ni.

Netherlands boss Ronald Koeman-a'n rin loh takin Ian Maatsen a telh loh a, Borussia Dortmund left back tan pai dam a harsa ang. Maatsen hi Chelsea player a ni a, January khan season tawp thleng atan Dortmund hi loan-in a zawm.

German club-ah hun duhawm tak hmangin, hmun pawimawh a chang a, league match 16 khelhsak hmanin goal hnih a khung a, assist vawi hnih a nei. Champions League-ah match ruk khelhsakin, goal khat a khung a, final hial a hruai thleng - a match inlannaah bul a ṭan vek bawk!

Mahse, Koeman-a squad-ah a tan hmun a awm chuang lo. Dortmund player ho hi an vanduai hle - Germany squad-ah ngei pawh an player pawimawh Marco Reus, Julian Brandt, Emre Can leh Mats Hummels tan hmun a awm lo a, England-in Jadon Sancho leh Jamie Bynoe-Gittens mamawh loah an inngai.

Hetihlai hian thla khat aia tam mah ke rek hliam vanga inlan tawh lo, Barcelona midfielder Frenkie de Jong chu Netherlands squad-ah telh a ni a, Sparta Rotterdam goalkeeper Nick Olij leh Feyenoord midfielder Quinten Timber te tan hmun a awm lo a, hliam vangin Atalanta midfielder Marten de Roon a tel lo bawk.

Netherlands hian Euro ṭan hmain warm-up match-ah Canada leh Iceland an hmachhawn dawn a, Germany thlen tur Euro-ah hian, group D-ah awmin, June 16-ah Poland hmachhawnin bul an ṭan dawn a, France leh Austria an hmachhawn leh ang.

Netherlands squad

Goalkeepers: Justin Bijlow (Feyenoord), Mark Flekken (Brentford), Bart Verbruggen (Brighton & Hove Albion)

Defenders: Nathan Ake (Manchester City), Daley Blind (Girona), Virgil van Dijk (Liverpool), Denzel Dumfries (Inter Milan), Jeremie Frimpong (Bayer Leverkusen), Lutsharel Geertruida (Feyenoord), Matthijs de Ligt (Bayern Munich), Micky van de Ven (Tottenham Hotspur), Stefan de Vrij (Inter Milan)

Midfielders: Ryan Gravenberch (Liverpool), Frenkie de Jong (Barcelona), Teun Koopmeiners (Atalanta), Tijjani Reijnders (AC Milan), Jerdy Schouten (PSV Eindhoven), Xavi Simons (RB Leipzig), Joey Veerman (PSV Eindhoven), Georginio Wijnaldum (Al-Ettifaq)

Forwards: Steven Bergwijn (Ajax), Brian Brobbey (Ajax), Memphis Depay (Atletico Madrid), Cody Gakpo (Liverpool), Donyell Malen (Borussia Dortmund), Wout Weghorst (Hoffenheim, on loan from Burnley)