Naupang theihna fiah dawn

Directorate of Sports and Youth Services (DSYS), Mizoram chuan Sports Authority of India leh North East Regional Centre (SAI NERC) ṭangkawpin RG Stadium, Mualpuiah Khelo India Rising Identification (KIRTI) an thleng dawn.

KIRTI hmang hian infiammna panga football, boxing, weightlifting, athletics leh volleyball-a Mizo ṭhalaite theihna fiah a ni dawn. June 3-7, 2024 chhung hian RG Stadium-ah neih a ni dawn a, chawhma dar 9:00-ah ṭan ṭhin a ni ang.

Kum 9-18 inkar tan mahni theihna hi a fiah thei a, heta kalte hnenah hian digital report card pek an ni ang. Digital report card hi SAI leh Khelo India Centres of Excellence (KISCE) luh theih nan a ṭangkai thei ang.

India ram hmun hrang hrangah test hi neih a ni dawn a, ram pum huapa tiṭhate chu infiamna hmanga hlawhtlinna an chan theih nan zirtirna ṭha zawk pek an ni dawn.

Football, boxing, weightlifting, athletics leh volleyball a tui rawlthar/tleirawlte tan mahni theihna fiahna hun ṭha tak a ni.