Hlimen: Chhiatna karah lawmna

ADFA Second Division 2023-24 Season Ending Tournament-ah Hlimen-in Zemabawk North 4-3 a hnehin an champion. Leimin vanga chhiatna thlenna hmun Hlimen-in champion nomawi hmangin lawmna an thlen a, an hlawhtlinna hi leimin tuarte tan an hlan.

RG Stadium-a inkhelah team pahnih an inhnehtawk a, hun tawp thlengin inkhel a hmuhnawm. First half-ah 2-2 in an inhnehtawk a, Mizoram Police FC tan pawha khel tawh F. Zosangliana'n minute 90-naah Hlimen tan goal pawimawh a khung a, 4-2 a ni chiah. David Lalrinmuana enkawl Zemabawk North-in injury time-ah Lalnunsanga hmangin an chhanglet mah se siphurh an sut zo ta lo.

Hlimen FC-in inkhelh ṭan hmain leimin tuarte an tawrhpuina banner an pho chhuak a, nunna channa te thlalak an pholang tel bawk. Hlimen lamah chhiat tawhna hnuhma thehfai a ngaih avangin ṭawiawmtu pawh an nei ṭha thei lo a, mahse an pasalṭhate nomawi hawnin an tawrhna chhawk zo lo mah se lawmna tur an neih phah ang.