Chhinga Veng an champion

Cricket Association of Mizoram (CAM) hnuaia inelna lian zinga mi - Mapuia Memorial Mizoram Cricket League (MCL) chu nimin khan khelh zawh a ni a, league round lama che ṭha ber Chhinga Veng an champion.

Suaka Cricket Ground, Sihhmuia inkhelah Chhinga Veng hian an khingpui Kulikawn chu run 42-in an hneh. Ṭhum vawrah vannei zawkin vuak hmasak an thlang a, over 20 chhungin run 117 an siam.

Kulikawn tan target sang pangngai tak a ni, umphak tumin thapui thawh mah se Player of the Match atana thlan tak B. Lalnunfela an ngam lo, over li chhunga run kua chauh pe chungin wicket li a la, an champion theih nan a thawh hlawk hle.

MCL-ah hian tualchhung team ṭha paruk an inlan, league round lama an inkhelh kual vek hnuah a sang pali ten playoff an lut. Chhinga Veng hian a tir aṭanga a tawp thlengin an khingpui zawng zawng an hneh fai vek.