Eriksen hoa khel tur Denmark

Lungphu chawl vangin Christian Eriksen a buai tawh a, harsatna a lo tawh tawhna European Championship a khel leh thei dawn, amah leh an ram tan chanchin lawmawm bik a ni ang.

Euro 2020 kha hripui leng avangin kum 2021-ah khelh a ni a, an match hmasa berah Denmark hian Finalnd an hmachhawn, he inkhelah hian Eriksen hi khelmualah a tlu a, khawvelin a chanchin an ngaihven zui.

Hun rei tak chhung enkawl a ni a, khatih laia a club khelh mekna Inter Milan tan erawh a khel chhunzawm thei lo; Serie A-ah thawk lama harsatna nei, khawl hmanga enkawl tawh tan inkhelh a rem lo.

Manchester United an lo lang a - English club tan hian ṭha pangngai takin a khel leh thei tawh. Club lama a khelhpui striker tharum ngah Rasmus Hojlund nen an inlan thei dawn a ni.

Denmark coach Kasper Hjulmand chuan a player tawnhriat ngah tawhte lakah rinna a la nghat tih a lo sawi zauh tawh a, tun season match khel tam lo defender Simon Kjaer pawh koh zingah a tel.

Hjulmand chuan, "Simon Kjaer chungchangah chuan inngaihtuah buai a ngai lo, a thil loh tih tawhte avangin amah kan hrechiang . Tun ṭuma squad kan puan hma pawhin kan inbia, a taksa a hrisel ṭhat avangin ram tana koh a ni," a ti.

Denmark hi group C-ah Slovenia, Serbia leh England te nen an awmkhawm a, an match hmasa ber atan June 16, Pathianni zanah Slovenia nen an inhmachhawn ang.

Demark squad:

Goalkeeper: Kasper Schmeichel, Frederik Ronnow, Mads Hermansen.

Defender: Simon Kjaer, Andreas Christiansen, Jannik Vestergaard, Joachim Andersen, Victor Nelsson, Victor Kristiansen, Elias Jelert, Joakim Maehle, Alexander Bah.

Midfielder: Christian Eriksen, Thomas Delaney, Pierre-Emile Hojbjerg, Mathias Jensen, Mikkel Damsgaard, Mathais Jensen, Jacob Bruun Larsen.

Forward: Yussuf Poulsen, Kasper Dolberg, Jonas Wind, Rasmus Hojlund, Andreas Skov Olsen, Anders Dreyer.