Germany FA-in €10.4m sem ral inhuam

European Cham-pionship 2024 thlengtu tur Germany chuan an ramah result ṭha neih ngei an duh a, nomawi an chawi theihna tur a nih phawt chuan player lawmmanah euro maktaduai 10.4 semral an inhuam.

Group stage an paltlang thei a nih chuan player tin hnenah €50,000 an pe ang a, quarterfinal an thleng thei a nih chuan €100,000 an pe leh ang. Semifinal an lut a nih chuan €100,000 an pe an pe leh bawk ang.

Final-a a vanduai zawka an ṭang a nih chuan €250,000 ṭheuh an pe ang a, an champion a nih chuan €400,000 ṭheuh an pe thung dawn. Squad-ah hian player 26 an awm theih avangin €10.4m semral an inhuam a tih theih ang.

Germany national team-in training an ṭan tawh a, Champions League a khel player-ten final khelh zawhah team hi an zawm leh ang. Julian Nagelsmann chuan team inpawh nan training hmasa ber chu sipai ho zingah Thuringian ramhnuaiah training an nei a, team boruak pawh a ṭhat phah viaua ngaih a ni.