Buckley ‘knockout' a ropui

UFC Fight Island Five-ah knockout ropui a thleng a, UFC meuhin, “UFC chanchina knock-out ropui ber," tia a sawiah Joaquin Buckley chuan mawi zetin Impa Kasanganay chu round hnihnaah a knockout.

UFC a a vawi hnih nana fight hmachhawn ve chauh Joaquin Buckley hi a khingpui Kasanganay chuan a ke vei lam a mansak - mahse kum 26 mi fighter hian invawrh chungin a ke dinglamin Kasanganay khabeah tak a pet a, a knockout chiang takzet. 

"Knockout awm tawh zawng zawnga danglam ber a ni hial ang," tiin UFC legend  Daniel Cormier chuan a sawi a, Abu Dhabi a thil thleng chu ropui a ti hle. 

American fighter Buc-kley chuan, "A inhawng em a ni. Ka ke a man tih ka hmu a, invawrhvir chungin ka pet ta mai a ni. Pet fuh ngei kha ka tum a, ka duh ang result kan nei ta a ni," tiin a sawi. 

Fight dangah English fighter Tom Breese chuan round khat chhung lekin Canadian fighter KB Bhullar a hneh a, American bantamweight fighter Cory Sandhagen chuan Brazilian fighter Marlon Moreas a hneh bawk.