India an chak nuam sa

India chuan T20 Cricket World Cup atana inpuahchahna inkhelah Bangladesh chu 60 runs-in an hneh. Nassau County International Cricket Stadium, New York-ah India hian 182 runs an siam a, Bangladesh hian 122/9 runs chauhin an chhanglet.

India tan Rishabh Pant (53), Hardik Pandya (40*) leh Suryakumar Yadav (31) te an che ṭha a, Rohit Sharma (23) leh Sanju Samson (1) te chet ṭhat tawk loh an hliah khuh.

Bangladesh bat hun a thleng a, India bowler-te an che ṭha. Player paruk ngawtin wicket an la a, Arshdeep Singh leh Shivam Dube ten wicket hnih ve ve an la a, over 20-ah 122 runs chauh an siam a, wicket kua an hloh.

India hian June 5, Nilaini hian match hmasa bera berah Ireland an hmachhawn dawn a, hemi zawh hian Pakistan nen June 9, Pathianni zan dar 8:00-ah an inkhel leh ang.