Fenerbahce manager tur Mourinho

Jose Mourinho chuan team enkawl hna a thawk leh dawn tih a chiang ta. Turkish Super Lig club Fenerbahce a enkawl dawn a, ziakin la dah chiah lo mah se an inrem tawh a ni.

Kar hmasa khan Fenerbahce hi an manager Ismail Kartal nen an inṭhen, season hmasa kha Turkish Super Lig-ah pahnihna an ni a, vawi khat chauh chak loin point 99 hmu mah se an elpui Galatasaray an tluk lo.

Kartal-a hmun ruakah hian Portuguese manager Mourinho a awm dawn tihna a ni. Club lian hrang hrang enkawl tawhtu Mourinho chuan, "Kan zinkawng i zawh ho ang u," a ti a, club lam pawhin an inrem thu leh an thawhho tur thu an tarlang ve bawk.

Chelsea, Real Madrid leh Manchester United enkawl tawhtu hian AS Roma chu Europa Conference League nomawi a chawipui a, Italian club hian kum 2022 khan an ban - tunah team enkawl hna a thawk leh dawn ta chiah a ni.