Brazil tan hna a awlsam

South America aṭanga World Cup khel tur zawnna qualifying inkhelah Brazil chuan an mikhual Bolivia 5-0 in an sawp a, coach Tite naute hian harsatna an tawk lo - Nilaini zing dar 5:30-ah Peru an lenchilh leh ang.

Inrinni zing Sao Paulo a inkhelah Brazil tan Roberto Firmino-a'n goal hnih a khung bakah Marquinhos leh Philippe Coutinho ten goal khat ve ve an khung a, Jose Carrasco chuan anmahni lamah a ti lut palh bawk.

CONMEBOL aṭang hian ram pali an tling nghal dawn a, pangana tan playoff khelh a ngai ang. Lionel Messi awmna Argentina pawhin an match hmasa berah Ecuador an hneh tawh a, zanin dar 1:30 hian Bolivia an hmachhawn leh dawn a ni.