Wilshere-a'n a laia khelh a duh

Arsenal mid-fielder Jack Wil-shere chuan midfield lai chu a inkhelh thiam berna hmun leh a awm duhna hmun a nih thu a sawi chhuak.

Kum 24-a upa Wil-shere hi Gunners mana-ger Arsene Wen-ger chuan khelmual sir lamah a chhawr fo a, England tana a khelh erawhin a laiah an awmtir deuh ziah thung.

England international hi tun season-ah hliam vangin a inkhel thei lo rei hle a, season tawp dawn ṭepah a hmel kan hmu ve chauh. Mahse, Roy Hodgson chuan Wilshere chungah rinna a nghat ngam a, Euro 2016 khel tura thlangin friendly match-a Turkey 2-1 a an hneh ṭum khan inkhel bul a ṭan tir.

A khelh duhna hmun sawiin Wilshere chuan, "Arsenal-ah chuan a sir lamah ka tlan fo a, he hi ka
ṭhat berna hmun a ni lo. Roy chuan a laia khel turin min ti ṭhin a, midfield laia khelh hi nuam ka tihna ber a ni. Ka chunga rinna a nghah ngam avangin ka lawm hle a ni," tiin tun season-a Gunners tan inelna hrang hranga match thum chauh a khel chunga England aiawh tura a ko chu a lawm thu a sawi tel bawk.