Coleman-a'n contract thar a ziak

Football Association chuan Chris Coleman chu kum hnih dang Wales manager nih chhunzawm leh turin contract thar an ziah pui, a contract hi a hmang zo a nih chuan 2018 World Cup thleng a hna ngai hi a thawh chhunzawm dawn tihna a ni.

Kum 45-a upa Coleman hian 2012 January thla khan Gary Speed thlakin Wales manager hna hi a thawk ṭan a, Euro qualifiers match 11 a khelh pui aṭanga vawi khat chiah chak loh neiin Wales chu kum 1958 World Cup hnua a vawi khat nan major tournament khel thei turin a hlawhtlinpui a, Euro 2016 Group D-ah England, Russia leh Slovakia te nen last 16 luh inchuhin an inel dawn.

Chona thar hmachhawn a inpeih thu sawiin Coleman chuan, "Ka tan chuan Wales manager hna thawh hi chawimawina sang tak a ni a, chona hautak tak a ni bawk. Kan thlen chin hi kan sawng ngheh a, hma kan sawn zel a
ṭul a, kan hmaa tih tur hautak tak inchhawp hi kan hlen thei a ni," tiin a sawi.

Euro inbuatsaih nan Wales hian June 5 khian Sweden chu friendly match an khelh pui ang. Euro zawh lamah September thla aṭang chuan 2018 World Cup qualifying an khel ṭan nghal dawn a, an match hmasa ber atan Cardiff-ah Maldova an lo mikhual dawn a ni.