Spain coach Del Bosque a inngaitlawm

Spain chu Euro champion ni thei leh mai tura mi tam tak rin ni mah se coach Vicente del Bosque erawhin semifinal an thleng a nih pawhin a lawm tur thu a sawi.

Del Bosque kaih-hruaina hnuaiah Spain hi Euro hnuhnung pahnihah an champion ve ve a, France-ah pawh hian team ṭha leh hlauhawm tur zinga mi an ni ang.

Mahse, kum 65-a upa Del Bosque chuan, "Mi tam tak chuan kan champion lo a nih chuan kan hlawhchhamah an ngai ang. Mahse, ka player 23 neihte hi an famkim bik loh avangin a sang pali zinga kan tel thei a nih chuan a lawmawmah kan ngai ang," tiin a inngaitlawm hle.

Nikum FIFA Wolrd Cup-ah khan Spain hi an lo mualpho tawh a, Group B-ah Netherlands leh Chile tluk loin knockout round pawh an inhlangkai lo.