Rangers zawm tur Joey Barton

Burnley midfielder Joey Barton chuan season tharah chuan Scottish Pre-mier League club Rangers tan a khelh tur thu a sawi a, English midfielder hian contract la ziak chiah lo mah se he chanchin i chhiar meuh chuan Ibrox Stadium-a khel turin contract a ziak fel tawh ang.

Manchester City, New-castle, QPR leh Mar-seille tana lo khel tawh midfielder chuan, "Thutlukna siam harsa tak ni mah se tunah chuan engkim a chiang ta," tiin Ibrox a pan tur thu hi a sawi.

Kum 33-a upa mid-fielder hian season hmasa khan kum khat chhung khel turin Cham-pionship club Burnley a zawm a, season thara Premier League an khelhna tur kawngah an player pawi-mawh ber pawl niin Burnley Player of the Year-ah thlan a ni.

Season hman zawh taka Football League Championship PFA Team of the Year-a lang phak midfielder hi Burnley chuan an hnena cham zel turin contract thar zawrh mah se Scotland lam pan hi a thlang ta zawk a ni.