Barca-ah Neymar a hlim

Barcelona star Ney-mar chuan Naou Camp-ah a hlim thu a sawi, Barzil captain lo beisei ve tu club lian ṭhenkhat tan chuan hei hi thu lawmawm a ni hauh lo ang le.

Neymar hian Catalan club-ah hian kum 2018 June thla thleng cham turin contract a nei mek a, a contract hi a pawh sei mai loh avangin Europe a club lian hrang hrang chil ti putin an hmelma Real Madrid hming ngei pawh lamrik a ni hial.

Kum 24-a upa Neymar hian Pathianni zan Coppa del Rey final-a Sevilla 2-0 a an hneh ṭum khan goal hnuhnung zawk a khung a, a club hi nomawi pahnih chawi chungin season a khar pui.

Barca fan-te hmaah Neymar chuan, "Season ṭha takin kan hmang a, Champions League aṭanga kan tlak erawh kha chu tawrh thiam har kan ti hle thung. Mahse, nomawi pahnih nen season kan khar avangin lungngaih lutuk tur a ni lo ang. He hmunah hian ka hlim a, mi pawimawh pakhat ka lo ni ve thei hi ka lawm a ni," tiin a sawi.