FIFA secretary general an ban

Khawvel football thuneitu sang ber FIFA-in an hming hliau tawh then fai an tumna kawngah chan-chin duhawm lo an neih belh zel a, FIFA secretary general dinhmun luah lailawktu Markus Kattner chu ama thua bonus a lo inpek avangin ban a ni!

FIFA chuan Kattner hi ama thua pound mak-taduai tel bonus lo inpeah an puh a, Kattner-a chet dan chuan FIFA kal dan nasa takin a kalh a ni, tiin thuchhuah an siam.

Kum 45-a upa Kattner hian February thlaa eiruk thubuai vanga FIFA secretary general Jerome Valcke ban a nih khan secretary dinhmun hi a luah lai-lawk a ni. Kum 2003 khan FIFA hi luhchilh ṭanin director of finance-a ni a, kum 2007 khan deputy secretary general-ah ruat a ni.

FIFA hian an secretary general nghet turin Fatma Samba Diouf Samoura chu May 13 khan an lo ruat tawh a, hmeichhe zinga FIFA secretary general hmasa ber ni thei Samba hian June thla aṭangin a hna hi a chelh ṭan ang.