Lalrema Ngente Memorial-ah Jeho Himnakulhpuingheta

Mizoram Table Tennis Association leh LB Associates TT Club, Bungkawn ṭangkawp buatsaih Lalrema Ngente Memorial Mizoram Ranking Table Tennis Championship 2016 chu zanin dar 8:00 aṭang hian Mizoram Table Tennis Hall, Kawltheihuan, Mis-sion Veng-ah khelh ṭan a ni dawn a, All India Cadet Champion lo ni tawh Jeho Himnakulhpuingheta, Lunglei Salem Veng leh Alberto Lalremruata, Mission Vengthlang te pawh an inlan dawn.

Lalrema Ngente Me-morial hi Mizoram TT championship-a lawm-man tamna ber tur niin Men’s Singles champion-in Rs. 1,5000/- leh Women’s Singles champion-in Rs 12,000/- an dawng ang. Inrinni hian final khelh hman tura ruahman a ni. Inkhel hi Zonet Rihnim channel-ah live telecast ṭhin a ni ang.

He championship-ah hian District Association/Club 17 aṭangin player 269 teh meuh an tel dawn. Nikum khan MTTA leh Zonet ṭangkawp chuan hlawhtling takin Mizoram Hexa League an lo buatsaih tawh bawk a, Tuikhuahtlang Table Tennis Club chu champion hmasa ber an ni.