Kuznetsova leh Halep chak

French Open khelh mekah nimin tlai khan hmeichhe single second round khelh a ni a, 2009 champion Svetlana Kuz-net-sova chuan darkar khat leh minute 12 chhungin Heather Watson chu 6-1, 6-3 in a hneh. Inkhel dangah Simona Halep chuan Zarina Diyas chu 7-6, 6-2 in a lo hneh ve bawk.

Grand Slam vawi hnih champion tawh Kuz-netsova hian set khatnaah Watson service hi vawi li ngawt chhuhsakin minute 30 chhung leka set a lak hnuah set hnuhnung zawk pawh harsatna nei loin a la zui.

Kum 24-a upa Watson hi Roland Garros-ah hian vawi ruk a inlanna a ni a, second round a la paltlang ngai lo. British number 1 Johanna Konta, Laura Robson leh Naomi Broady te chu an match hmasa berah an lo chak lo vek tawh. Tennis ngaina Britain mipuite chuan hmeichhe single-ah ṭan tur an nei leh dawn ta lo tihna a ni.