Arsenal-ah Xhaka a chiang ta

Pahnihna nichunga Premier League season khar Arsenal chuan sea-son thar aṭanga an pla-yer ni turin Borussia Mon-chengladbach midfielder Granit Xhaka an la lut ta.

Kum 23-a upa mid-fielder man zat hi puan-zar ni lo mah se pound mak-taduai 30 vel niin khaw-thlang media-te chuan an tarlang a, a contract sei zawng pawh hi Arsenal chuan 'hun rei tak chhung atan' ti bakin an tarlang lo.

Switzerland tana vawi 41 lai inlan tawh mid-fielder hian kum 2012 khan amah chher liantu FC Basel aṭangin Borussia Monchengladbach a pan a, German club tan hian season li chhungin inelna hrang hrangah match 134 inlanin season hnih chhung chu captain armband a hreng.

Gladbach captain hlui Xhaka chuan, "Arsenal ka zawm theih avang hian ka lawm takzet a, London-a inbengbel a, he club ropui tak tana Premier League khelh hi ka chak tawh takzet a ni. Nomawi chawia fan-te hlimna thlen turin Arsenal tan ka theihna zawng zawng ka pe ang," a ti.

Arsenal manager Arsene Wenger chuan a player thar chungchang sawiin, "Granit Xhaka hi player hmuhnawm, player naupang tak nichunga Champions League leh Bundesliga-a tawnhriat ropui tak nei thei a ni. Hun rei tak chhung kan lo en thla tawh a, kan squad-a ti chak sawt dawn a ni," tiin Swiss midfielder chu a fak.