Liverpool-ah keeper thar Karius

Europa League final-a chak lo hlim Liverpool chuan season zawh rualin transfer bazar-ah thawm an nei nghal a, German club Mainz aṭangin keeper Loris Karius chu pound maktaduai 4.7-in an la lut.

Kum 22-a upa keeper hian Thawhlehni khan medical paltlangin An-field-ah hian kum nga cham turin contract a ziak nghal a, January-a kum nga cham tura contract thar ziaktu Belgium inter-national Simon Mignolet nen Reds si ban nghaktu nih an inchuh ang.

Season hman zawh taka Bundesliga match 34-a khelha match kua a goal chhuah lo thei keeper chuan Jurgen Klopp vanga Reds pan a nih thu sawiin, "Manager nen kan inbia a, he club tana hnathawh a tum dan leh a ruahmannate min hrilh hnuin Anfield-a lokal hi ka ti tlu a ni," a ti.

Germany tan age level hrang hranga lo inlan tawh keeper hian Manchester youth team-ah season khat hun a hman hnuin kum 2011 khan Mainz B team a zawm a, season khat a in-lan hnuah senior team-ah sawn chhoh niin season li chhungin Bundesliga match 91 a khelh sak hman a ni.