Naupang lehkhathawnin Rosicky a fuih phur

Czech Republic cap-tain Tomas Rosicky chuan Syrian refugee camp-a awm naupang lehkhathawnin a nun a khawih danglam avangin UEFA Euro 2016 pawh ṭha taka a khelh theih tur thu a sawi.

Kum 35-a upa Rosic-ky hian inhliam vangin nikum June 13-a Iceland an hneh loh hnuah a la inlan leh lo a, Arsenal tan pawh January thlaa FA Cup match khat a khelh bak chu tun season-ah khelmual chhungah a hmel hmuh tur a awm lo. Burnley nena an inkhelh ṭum hian minute ruk chiah a inlan.

Prague-a Czech trai-ning camp-a awm mek Rosicky chuan, "Ka team-mate mai bakah khaw-vel hmun hrang hrang aṭangin fuihna thu ṭha tak tak ka dawng a, ka chanchinin min dangte tiphurtu a nih ṭhin thute ka hriat phah bawk. Syria-a refugee camp naupang aṭangin lehkha ka dawng a, a thu ziah chu ka inkhel lai a hmuh leh châk thu a ni. He naupang hian Euro 2016-a ka hmel hmuh a duh avangin football boot ka la khai lo a, khelmual chhunga inlan leh turin ka bei hram hram a, inhliam hi min daltuah hman ka tum lo," tiin midangte beiseina petu nih a tum thu a sawi.

Czech midfielder hi Arsenal in an chhuah zalen tawh avangiin tunah hian club-ah contract an nei lo a, Euro 2016 zawhah a awm zel dan tur a tichiang ang. Arsenal manager Arsene Wenger chuan, "Rosicky enkawl theia ka awm hi vannei ka ti a, field chhunga a luh apianga standing ovation an pek ṭhin hian thu tam tak a sawi a ni. Pa kawm nuam a ni a, a rilru put hmang a dik bakah talent nei ṭh a bik a ni. Arsenal tan player duhthusam a ni a, a thiamna leh kan club khelh dan hi a inkawp rem thlap a ni," tiin inhliam vanga nih tur ang ni phak lo Czech midfielder hi a fak.