Valencia-ah a nghetin Ayestaran

26th May, 2016

La Liga club Valencia chuan Gary Neville an ban hnua an manager lailawk atana an ruat Pako Ayestaran chu manager thar a tan an ruat a, Neville-a hnuaia assistant manager hna chelhtu hian Mestalla Stadium-ah hian kum hnih chhung cham turin contract a ziak.

Kum 53-a upa manager hian Gary-a hnuaia tlak hlauhawm dinhmuna ding hman Valencia chu La Liga-ah him puiin match riat a enkawlah match thumah hnehna a chanpui a, a hnathawh avang hian contract thar a hlawh chhuak ta a ni.

La Liga-a 12-na nichunga Valencia season kharpuitu Spanish manager hian Rafael Benitez-a hnuaiah Valencia leh Liverpool-ah assistant manager dinhmun a luah ṭhin a, kum 2015 khan ama puala club a enkawl hnuah Maccabi Tel Aviv chu Israeli Premier League-ah champion puiin nomawi pahnih dang a chawipui bawk.