Pro Volleyball 3rd MAP beiseina titawptu TNT

Zothan Autoworks Pro Volleyball League chu round 4 khelh zawh tawh niin 3rd Bn MAP tan final luh beiseina a tawp zui ve bawk a, TNT tan erawh beiseina a nung zel thung.

Thawhlehni zan khan Dengṭhuama Indoor Stadium, Mualpuiah TNT leh 3rd MAP an inkhel a, TNT hian 3-0 (5-22, 25-19, 25-23) in hnehna changin Laldensanga chu man of the match atana thlan a ni.

TNT hian match li an khelh tawh aṭangin point kua an nei ta a, an match hnuhnung ber nizan khan khel zuiin Anastasia VC lakah point khat chauh pawh an hlawh chhuak thei a nih chuan final an lut ang. Zanin hian inkhel pakhat a awm leh dawn a, Chanmari West leh 3rd Bn. MAP an inhmachhawn leh ang.