Rangers zawmtu Joey Barton

English midfielder Joey Barton chuan Rangers a zawm tur thu a sawi hnu lawkah Scottish club hi season hnih chhung cham turin a zawm ta.

Premier League hnuai chiah Cham-pionship nomawi an chawi hnua Burnley player of the year-a thlan Barton chuan, "Rangers-a lokalna hun ṭha ka nei tih ka hriat khan ka phur nghal em em ringawt mai a ni. Tun hnaia he club-in hun a paltlang dante ka ngaihtuah let a, he club ropui tak hi a awmna hmun ngaia hlan let leh ngei hi ka duh avangin ka lokal a ni," tiin Rangers a zawm chhan a sawi.

Burnley-in Premier League khelh-pui tura an sawm chunga contract ziak ta lo Barton chuan a club hlui mang-
ṭhain, "Burnley fan-te leh he club chhungkaw chungah lawmthu ka sawi a, kum khat hun ka hman chhunga min ṭawiawmna ṭha tak kha ka dam chhungin ka hre reng tawh ang," a ti.

Manchester City, New-castle, QPR leh Mar-seille tan pawha lo khel tawh midfielder chuan sawi chhunzawmin, "Khelmual leh a pawn lamah pawh club ropui tak in ni tih intilang fo a, Burnley tana khelhna hun min siamsak kha ka lawm a ni. Mahse, chona phurawm zawk ka hmaah chhawp a ni a, ramsa ang maia inpeih reng ka thinlung chuan hnar harsa a ti si a ni," tiin Burnley-a contract a ziah loh chhan a sawi lang nghal.

Burnley-in Championship nomawi an chawi ṭumin club hotute tihsual vangin Barton hian medal a dawng nghal lo a, khelmual chhungah hun tawp hmang ṭha mah se khelmual pawnah erawh season thara Premier League khel tur club tana a hun tawp a lawmawm loh.