NBA Playoff Ropui takin Cavaliers an tho chhuak

NBA Eastern Confe-rence Finals khelh mekah nimin zing khan Game 5 khelh a ni a, Cleveland Cavaliers chuan 116-78 a Toronto Raptors sawpin series-ah 3-2 in hma an hruai leh ta. Inrinni zing dar 6:00-ah Game 6 an khel leh ang.

Cavaliers hian Con-ference Finals game hma--sa pahnihah hnehna an chan theih avangin awlsam taka NBA Final lut mai tura ngaih an ni hman. Mahse, beisei angin thil a kaltluang bik lo a, Toronto Raptors hian game hnih la zawn lehin Game 5 an khelh hma hian 2-2 in an inhnehtawk a, tunah erawh Cavaliers an tho chhuak leh ta.

Quicken Loans Are-na-a inkhelah mualneitu Cavaliers lamin inkhelh hun chhung zawngin ro an rel tluan chhuak zak. Quarter hnih an khelh zawhin Cavaliers hian point 65-34 in hma an hruai fal tawh a, chak zawk tur a chiang thawkhat tawh. Quarter thumna an khelh zawh meuh chuan Cavs hian point 100 score tling chiahin an intlauhna chu point 40 zet a ni tawh a, Raptors an mualpho chiang hle.

Cavaliers tan an thiam-puipa LeBron James-a'n court chhungah hun a hmang tam ber a, minute 32 a inlan chhungin point 23 a score hman a, minute 24 a khelh chhunga point 25 score-tu Kevin Love-a'n a thawh hlawk ber thung.