Pro Volleyball Hmingi VC hnehtu Hunthar-in final luh beisei

Nilaini zan khan Deng-
-ṭhuama Indoor Stadium, Mualpuiah Zothan Auto-work Pro Volleyball khelh chhunzawm leh a ni a, Hunthar VC chuan an league match hnuhnung ber atan Hmingi VC hmachhawnin 25-14, 25-18, 25-21 in hnehna an chang. K. Lalhmunmawia chu man of the match atan thlan a ni.

Hunthar hian league match vawi nga an khelh aṭangin point 10 an hmu a, pahnihna dinhmun an luah. Nizan khan hmahruaitu Anastasia leh final luh la beisei TNT ten an league match hnuhnung ber an khel ve a, TNT hi an chak lo a nih chuan Hunthar hian final an lut ang.

Zanin dar 7:45 hian league round match hnuhnung ber khelh a ni dawn a, 3rd Bn MAP leh Chanmari West VC te an inhmachhawn ang.

Mizoram Volleyball Association leh PPS
ṭangkawpin an buatsaih Pro Volleyball League-ah hian team paruk inelin a sang pahnihin final an khel dawn a, a hniam pahnih chu season leh Pro Volleyball League-ah an hmel kan hmu dawn lo thung. Table mawngphaha awm Hmingi VC chu an tla chiang tawh a, zanin inkhela chak lo zawk zawk hi an tla bawk ang.