Leicester striker Kramaric a chhuak

Premier League cham-pion Leicester City chanchina an player man to ber Andrej Kramaric chuan loan-a a khelh mekna Hoffenheim-ah a ngheta cham turin contract a ziak.

Kum 24-a upa Croatian striker hian January 2015 khan Foxes player man to ber ni turin HNK Rijeka aṭangin Leicester hi pound maktaduai 9.7-in a zawm a, a man phu tawkin a khel chhuak lo.

Foxes tana a season hmasa berah inelna hrang hrangah match 15 khelin goal thum chiah a khung a, season hman zawh takah khan match ngaah goal khat chiah a khung hman tihin Hoffenheim-ah loan-a chhuahtir a ni.

German club tan hian match 15 khelin goal nga a khung a, Bundesliga aṭanga tla thei dinhmuna ding Hoffenheim tan German league sang bera an khelh chhunzawm zel theih nan a thawhhlawk hle.