Liverpool-ah Balotelli a kir dawn

Kum 2014-a Liver-pool-in Mario Balotelli an lakluh kha Reds fan-te tan chuan chanchin lawmawm a ni mai thei a, tunah erawh a ni tawh lo! AC Milan neitu Silvio Berlusconi chuan loan-a an club tana khel mek Balotelli chu Anfield-ah a kir leh tur thu a sawi.

Balotelli hian nikum August thla khan season khat chhung loan-a khel turin a club hlui AC Milan hi a zawm a, Serie A-ah vawi 20 inlanin goal khat chiah a khung. Anfield-a season duhawm lo tak lo hmang tawh Italian striker hian April thla khan Liverpool-a kir a duh loh thu a sawi a, mah se Milan president berin a kawl duh tawh lo.

Kum 79-a upa Ber-lusconi chuan, "Kan club aṭangin player engemaw zat an chhuak dawn a, inthenfai kan ngai. Mario hi kan player chhuak tur zinga mi a ni," tiin Italy Euro squad-a tel pha lo stri-ker chungchang a sawi.

Berlusconi chuan player dang chhuak tur sawi lang nghalin, "Philippe Mexes, Alex leh Kevin-Prince Boateng-te pawh an contract a zo tawh a, an chhuak ang. Anni mai pawh ni lo player engemaw zat chu chhuak tur zingah kan dah tawh," tiin Milan chuan team thar din an tum tih a sawi chhuak.