USAM Awards 2016 a hnai

27th May, 2016

Mizoram chhunga sports association hrang hrang 31 zet awm-khawmna United Sports Association of Mizoram (USAM) chuan June 24 khian USAM Sports Award 2016 chu Ignite Studio, Khatla-ah a sem leh dawn. Zonet leh LPS vision ten an live ang.

USAM hian kum 2010 leh 2013-ahte Sports Awards hi an lo sem tawh a, kuminah hian Sportsman of the Year, Sportswoman of the Year, Most Promising player of the Year (Boys & Girls), Coach of the Year, Promoter of the year leh USAM Special award te sem a ni dawn. Special award tih loh, heng award chi hrang pasarihte zinga parukte hian sumfai thahnem tak a keng tel vek dawn a, MLA-te zing-ah Sports hmasawnna tura Fund hmang ṭha ber hnenah Special award hlan a ni bawk dawn a ni.

Award sem zan hian tun hnaia Mount Everest lawnchhuak Lalrintluangi, Dawrpui Vengthar hnenah chawimawina thuziak hlan a ni bawk ang.